Bb. Pilipinas-Universe 2017 nasungkit ng pambato ng Camarines Sur

MANILA, PHILIPPINES—Kinoronahan bilang Bb Pilipinas-Universe 2017 si Ms. Rachel Peters, 5’9” tall, 25-year old Filipina-British sa isinagawang coronation night noong April 30, 2017 sa Smart Araneta Coliseum.

Si Rachel ay lumaki sa Phuket Thailand at doon siya nagtapos ng International Baccalaureate. Graduate siya ng Bachelor of Business, Major in Tourism and Events sa La Trobe University sa Austalia.

Noong maliit pa si Rachel ay tumira sa Kalye Jacob Putol, malapit sa Kalye Supot sa Naga City at anak ng isang Bikolanang taga Canaman Cam Sur na napangasawa ng isang British national.

Namukadkad ang beauty at talino ni Rachel sa 39 aspirants. Nakatanggap din ng mga special awards, Ms Photogenic, Best in Swimsuit at She’s so Jag.

Si Ms Universe 2016 Maxine Medina ang naglipat sa kanya ng korona. Hosts sina Ms Universe 2015 Pia Wurtzbach, Bikolana beauty queen Venus Raj at actor Xian Lim.

Si Rachel Peters ay ang magandang dilag na laging nakikita sa Camarines Sur Watersports Complex (CWC) at girlfriend ni Cam Sur Governor Migz Villafuerte, anak ni 2nd District Congressman L-Ray Villafuerte.